网站地图
首页
新闻
电影新闻
电视新闻
人物新闻
专题策划
影评
最新影评
新片热评
经典赏析
媒体评论
电影院
北京影讯
上海影讯
广州影讯
深圳影讯
成都影讯
电影库
典藏佳片
全球新片
即将上映
票房榜
社区
影视杂谈
明星时尚
文化休闲
群组
话题
达人
排行榜
电影榜
电视榜
人物榜
日志榜
话题榜
你现在的位置:首页>>群组>>原创你我他>>舌海精学:(38)上海话,侬来塞伐?迭个文章侬看得懂伐?

舌海精学:(38)上海话,侬来塞伐?迭个文章侬看得懂伐?

加入收藏

2017-1-25 14:49:46

 

相大世界


小辰光,阿拉就住勒老西门旁边,离大世界邪气近。常常搭仔弄堂里几个“赤膊兄弟”一道去人民大道踢球,踢好球特为跑到大世界门口,往里厢瞄瞄,唉!门票价钿蛮鬼,只好悄悄离开。   



 过新年个辰光,弄到点压岁钿。乃末心又活起来,搭隔壁的关云、还有后弄堂阿三头一商量,决定豁上,白相大世界去!


 

搿天,开心得勿得了,规定十二点开门,阿拉十一点就等伊开门。一进去就拨勒里向个“哈哈镜”迷佬了。三噶头横看竖看,侬笑我,我笑侬,一息息变成“长脚锣絲”;一息息变成“矮冬瓜”。搿辰光阿三头象只“大头小妖怪”;关云个“腰”是粗得来吓人;我一看自噶,哈哈!变成浪衣裳个“竹竿”唻!    


 

大世界个“好戏”勒后头。看好哈哈镜兴匆匆往里向走,露天广场浪向杂技和魔术刚刚开始,俩个小丑勒台浪跌来倒去,阿三勒我耳朵边浪讲“侬看呀,伊拉跌跤是装出来个!”关云佩服得五体投地:“拿看,伊高台踢碗老鬼伐?”


 

不觉一个多钟头过去,阿三提醒大家:“憨勿啦,一直看迭个,辰光呒没唻。”“对,快点调枪头!”露天广场两边有扇型大理石雕栏,“楼梯”像九曲桥,佬漂亮个。三噶头急煞勿西朝楼上跑。 


 

啊唷,上头个“剧场”哪能介多啦!走到阿里,阿里闹猛。搿搭勒演沪剧“罗汉钱”;伊面勒演京剧“四郎探母”;再奔到三楼,场子更加多,东面演越剧“追鱼”;西面演江北戏“年青的一代”;还有评弹说书“啼笑姻缘”和宁波滩簧“半把剪刀”等,嗄西多好戏到底看啥?后来决定看滑㮷“三毛学生意”,又是笑得阿拉前俯后仰。


 

 

 

 

 

辰光过得真快,等到从滑稽戏场子出来已经夜快头,白相大世界才“方兴未艾”呢!



肚皮饿了,辣大世界吃夜饭。只见眼前灯火通明,热气腾腾,香飘四溢 ,花头交关多,各式抄菜告仔盖交饭,排骨年糕、油豆腐细粉佬啥,还有鲜桔水、冰镇酸梅汤、沙士水、紫雪糕、大冰砖等等,阿拉一人来了一客盖交饭,味道是勿淡来,浇头浪向有:油面筋、黄芽菜和肉絲,香得呒没闲活讲,一个字:赞!二个字:老赞!三个字:交关赞!    



吃好夜饭跑到屋顶花园白相,登高望远,看到24层楼国际饭店霓虹闪闪;南京路上车流不断;屋顶花园还有有奖猜迷、套圈圈、电动游戏等。阿三头也真是,伊鲜格格去白相“电动拉力”,武松身浪向个灯只亮到腰浪向,勿来事!勿来事!  



天一眼眼暗下来,阿三头、关云和我游兴正浓。勿晓得啥人提议去看电影,众人响应。赶到电影场子,放个是“山间铃响马帮来”。一场看好,又听讲接下去要放反特片“神秘的旅伴”,关云讲:索性再看一场,奈老本看出来。阿三马上响应,我一听反特片,屁股也老早驽勿动了。



连劳看仔两只电影已经11点多,大世界真个要散场了。从中浪白相到搿息,整整十几个钟头,三噶头还不舍得离开,奔上跑下真个叫“流连忘返”啊!大世界象只万花筒样样有!难怪人家讲:大世界是上海个一只窗口,外地人到上海呒没白相大世界,等于呒没到过上海滩。



深夜11点半了,大世界边门开,游兴未尽的老少玩客涌出大门,向各条马路散去,慢慢地消失在夜幕里……

 









标签: 上海话(8) 舌海(36) 精学(36) 侬来塞伐(2) 迭个文章(2) 侬看得懂伐(2)
本话题来源于日志:http://i.mtime.com/2208617/blog/7994127/
--------------------
kangkang

楼主

管理员给此话题奖励了3分!

我要回复

参与话题讨论,请先 注册登录

原创你我他

645名成员852个主题

性质: 公开, 自由加入

可用积分:15分